இந்திய சுதந்திரப் போராட்ட வரலாற்றின் தன்னிகரில்லாத தலைவர் 16 வயதில் துறவியாக வேண்டும் என விரும்பி வீட்டை விட்டு வெளியேறியவர் யார் இவர்???
துறவியாக விரும்பி, ஞானியாக வாழ்ந்து, மாவீரனாக மாறி, சுதந்திர போராட்ட தியாகியாக பரிணமித்து, விண்ணில் எரி நட்சத்திரமாய் பிரகாசித்து கொண்டிருக்கும் ஓர் உத்தமத் தலைவர். ‘உங்கள் ரத்தத்தைத் தாருங்கள்… உங்களுக்கு விடுதலையைத் தருகிறேன்’’ என்று முழங்கியவர் தான் நமது தேசதந்தை நேதாஜி.
நேதாஜி கல்கத்தா மாநிலக் கல்லூரியில் படித்துக் கொண்டிருக்கும் போது, இந்தியாவுக்கு எதிரான கருத்துக்களைச் சொன்னதற்காக பேராசிரியர் ஓடென் என்பவரைத் தாக்கினார். இதனால் கல்லூரியில் இருந்து நீக்கப்பட்டார். தற்போது உள்ள IAS தேர்வை போன்றது. ஆங்கிலேயர்கள் மட்டும் அந்த தேர்வில் தேர்ச்சி பெறுமாறு பாடத்திட்டங்களை வைத்திருந்தனர்.
ICS நுழைவுத்தேர்வில் பங்கேற்ற நேதாஜி இந்தியாவிலேயே நான்காவது மாணவராக தேர்ச்சி பெற்றிருந்தார். ஆனால் தன் நாட்டை அடிமைப்படுத்தி வைத்திருக்கும் ஆங்கிலேயரிடம் வேலை செய்யக் கூடாது எனக் கருதி, தான் முயற்சியுடன் படித்துப் பெற்ற தனது பதவியை லண்டனிலேயே பணித்துறப்பு செய்தார்.
சுதந்திர போராட்டத்தில் தேசத்திற்காக தன்னை முழுமையாக அர்ப்பணித்தார்.அகில இந்திய காங்கிரஸ் தலைவர் தேர்தலில் போட்டியிட்டார். நேதாஜியை எதிர்த்து பட்டாபி சீதாராமையாவை போட்டியிடச் செய்தார் காந்திஜி. நேதாஜி தேர்தலில் வெற்றிபெற்றார். இதனால் கோபமுற்ற காந்தி ‘பட்டாபியின் தோல்வி என் தோல்வி’ என்று அறிவித்துவிட்டு காங்கிரஸ் மாநாட்டுக்கே போகாமல் ஒதுங்கி நின்றார் . காந்திஜியின் கோஷ்டியைச் சார்ந்த காரியக் கமிட்டி உறுப்பினர்கள் 12 பேர் ராஜினாமா செய்தனர். இதனால் மனமுடைந்த நேதாஜி, காங்கிரஸ் தலைவர் பதவியை ராஜினாமா செய்தார். அதன் பிறகு வார்தாவில் கூடிய காங்கிரஸ் காரியக் கமிட்டி நேதாஜியை காங்கிரஸ் கட்சியின் அடிப்படை உறுப்பினர் பொறுப்பிலிருந்தே மூன்று ஆண்டுகளுக்கு விலக்கி வைத்தது.
அதன் பின்னர் சுபாஷ் ‘பார்வர்டு பிளாக்’ கட்சியைத் தொடங்கினார். 44 வயதில் பாரத தேசத்தை விடுவிக்க வேண்டும் என்பதற்காக வெளிநாடுகளுக்குச் சென்றார். ஜெர்மனியிலும், ஜப்பானிலும், கிழக்காசிய நாடுகளிலும் அலைந்து திரிந்து தற்காலிக சுதந்திர அரசை அமைத்து, இந்திய தேசிய ராணுவத்தை திரட்டி, போரிட்டு உலக வரலாற்றிலேயே ஒரு புதிய சாதனையைப் படைத்தார்.
ஆயுதப் போராட்டம் மூலம் இந்தியாவுக்கு சுதந்திரம் பெற வேண்டும் என்ற நோக்கத்துடன் ஜெர்மனி சென்று ஹிட்லரைச் சந்தித்தார். இந்தியாவின் வருங்கால சர்வாதிகாரியை வரவேற்பதில் பெருமை கொள்கிறேன் என்று ஜெர்மன் சர்வாதிகாரி சொன்னதற்கு, “சுதந்திர பாரதத்தை உருவாக்க மட்டுமே உங்கள் உதவியை நாடி வந்திருக்கிறேன்” என்று பதிலளித்தாரார் நமது தேசபிதா நேதாஜி சுபாஷ் சந்திர போஸ்.
இந்திய தேசிய ராணுவத்தை அமைத்திருந்த ராஷ் பிஹாரி போஸ் உதவியுடன் மீண்டும் அதனை அமைத்து, அப்படையைக் கொண்டு பிரிட்டீஷ் இந்திய அரசு மீது போர் தொடுத்தார் நேதாஜி. அப்போது அவர் அளித்த முழக்கம் தான் ‘டெல்லி சலோ’.
1945, ஆக. 18-ம் தேதி ஒரு விமான விபத்தில் சுபாஷ் சந்திரபோஸ் இறந்தார் என அறிவிக்கப்பட்டது. ஆனால் தைவான் அரசோ அப்படி அன்று ஒரு விமான விபத்தே நடைபெறவில்லை என்றது. இதுவரை நேதாஜி மறைவு குறித்து 12 கமிஷன்கள் விசாரித்துள்ளன. ஆனாலும் அவரது மரணம் இன்றும் மர்மமாகத் தான் உள்ளது. அந்த மாவீரன் இறக்கவில்லை நாம் ஒவ்வொரு கணமும் சுவாசிக்கும் சுதந்திர காற்றில் வாழ்ந்து வருகிறார்..
இந்த உலகம் உள்ளவரை நேதாஜியின் புகழ் நிலைத்து நிற்கும்...வாழ்க பாரதம்
