புத்தர் மற்றும் சமணர்கள்

 

மயக்கமா? கலக்கமா?

 மயக்கமா? கலக்கமா?

குறள் 611

அருமை உடைத்தென்று அசாவாமை வேண்டும்

பெருமை முயற்சி தரும்

இந்த குறளின் பொருள்

ஒரு செயலை செய்ய வேண்டும் என்று முடிவு எடுத்து விட்டால் அச்செயலின் நம்பிக்கையும் குன்றாமல் எப்பேர்ப்பட்ட இடர்கள் வந்தாலும் தளர்வடையாமால் சோம்பல்கொள்ளாமல் அச்செயலை செய்துக்கொண்டே இருக்க வேண்டும். அப்படி செய்து கொண்டு இருந்தால் நம்முடைய முயற்சிக்கான பலனாக வெற்றி கிட்டும்.

இந்த குறளுக்கு உதாரணமாக கவிஞர் வாலி அவர்களின் வாழ்வில் நடந்த சம்பவத்தை கூறுகிறேன்..

வாலி பாடல் எழுத வந்த தொடக்க காலங்களில் திரைப்படங்களுக்கு பாடல் எழுதும் வாய்ப்பு அதிகம் கிடைக்கவில்லை. அப்போது கவிஞர் வாலியும் நடிகர் நாகேசும் கிளப் கவுசில் தங்கியிருந்தனர்.

திரைப்பட பாடல் எழுதும் வாய்ப்பு எப்போதாவது வந்ததால் நிரந்தர வருமானம் இன்றி அவதிப்பட்டார் வாலி.

ஆதலால் திரைப்படப் பாடல் எழுதும் பணியை விட்டுவிட்டு மதுரையில் உள்ள டி.வி.எஸ் நிறுவனத்துக்கு கணக்கு எழுதும் பணிக்குச் செல்லலாம். அப்பணியில் மாதச்சம்பளம், சாப்பாடு உண்டு. நிரந்தர வருமானம் வரும் என்று முடிவு செய்து மதுரைக்கு கிளம்பத் தயாராகிக் கொண்டிருந்தார்.

அந்நேரம் வாலியைச் சந்திக்க பாடகர் திரு.பி.பி.சீனிவாஸ் வந்தார். பணம் இன்றி கஷ்டப்படும் காலங்களில் வாலிக்கு பணம் கொடுத்து உதவுவார் பாடகர் பி.பி.சீனிவாஸ்.

பாடகரை வரவேற்ற கவிஞர் பேசிக் கொண்டிருக்கையில் “சமீபத்தில் என்ன பாடலை பாடினீர்கள்?” என்று கேட்டார்.

அதற்கு பி.பி.சீனிவாஸ் அவர்கள் சுமைதாங்கி என்ற படத்தில் கவிஞர் கண்ணதாசன் எழுதிய பாடல் என்று சொல்லி அதைப் பாடிக் காண்பித்தார்.

மயக்கமா? கலக்கமா?

மனதிலே குழப்பமா?

வாழ்க்கையில் நடுக்கமா?

வாழ்க்கை என்றால் ஆயிரம் இருக்கும்

வாசல் தோறும் வேதனை இருக்கும்

வந்த துன்பம் எதுவென்றாலும்

வாடி நின்றால் ஓடுவதில்லை

எதையும் தாங்கும் இதயம் இருந்தால்

இறுதி வரைக்கும் அமைதி இருக்கும்

நாளைப் பொழுதை இறைவனுக்கு அளித்து

நடக்கும் வாழ்வில் அமைதியைத் தேடு

உனக்கும் கீழே உள்ளவர் கோடி

நினைத்துப் பார்த்து நிம்மதியை நாடு

என்று முழுப்பாடலையும் சீனிவாஸ் அவர்கள் பாடிக் காண்பித்ததும் மதுரை செல்லும் பயணத்தை நிறுத்தி விட்டார் வாலி.

தோல்வியைக் கண்டு துவளக் கூடாது என்பதற்கு கவிஞர் வாலியின் வாழ்க்கையில் நடந்த சம்பவம் நமக்கு எல்லாம் நல்ல பாடமாக அமையும்.

ஒருவர் நல்லவரா கெட்டவரா ,தகுதியானவரா, நேர்மையானவரா, யோக்கியரா, அறமும் ஒழுக்கமும் பேணுபவரா , அல்லது அயோக்கியரா என்பது எப்படித் தெரியும்?

 "

ஒருவர் நல்லவரா கெட்டவரா  ,தகுதியானவரா, நேர்மையானவரா, யோக்கியரா, அறமும் ஒழுக்கமும் பேணுபவரா , அல்லது   அயோக்கியரா என்பது எப்படித் தெரியும்? அவரது எச்சத்தால் காணப்படும் என்கிறார் திருவள்ளுவர்.  எச்சம் என்றால் என்ன ??? 

பறவைகள் கழிக்கும் மலத்தை எச்சம் என்போம். மானுடனின் எச்சம் என்பது அதுவல்ல. வாழ்ந்து மறைந்தபின்பு விட்டுச்செல்லும் பெருமைகள் அல்லது சிறுமைகள். அவர்களின் வாரிசுகள் என்று கூறலாம்."

அவர்களின் வாரிசுகள் எந்த தன்மை வாய்ந்து இருக்கிறதோ அதுவே ஒருவரின் எச்சம் ஆகும் ..

தக்கார் தகவிலர் என்பது அவரவர்

எச்சத்தால் காணப் படும்’ 

இந்த திருக்குறளுக்கு உதாரணம் முன்னாள் குடியரசுத்தலைவர் அப்துல் கலாம் அவர்களின்   வாழ்வில்  ஒரு உண்மைச் சம்பவத்தை இன்று தற்செயலாக படித்தேன் ..

 அப்துல் கலாமின் வார்த்தைகளில் ,

அவரது இளமைக்கால வாழ்க்கை :

"நான் சிறுவனாக இருக்கும் போது ...ஒரு நாள் இரவு நேரம் ... வெகு நேர வேலைக்கு பின்னர் என் தாய் இரவு சிற்றுண்டி செய்யத் தொடங்கினார்...

என் தாயும் எங்கள் குடும்பத்தை சமாளிக்க வேலைக்கு செல்வது வழக்கம்...

சமைத்த பின் கருகிய ரொட்டி ஒன்றை என் கண் முன் , என் தந்தைக்கு பரிமாறினார் என் தாய் ..... ஆனால் என் தந்தையோ அதை சிறிதும் பொருட்படுத்தாமல் சாப்பிட்டார்....

‘ இன்றைய பொழுது பள்ளியில் எப்படிப் போனது ’ என்று என் தந்தை என்னிடம் கேட்டார்.

நான் அன்று என்ன பதில் சொன்னேன் என்று தெரியவில்லை ..

என் தந்தையிடம் கருகிய ரொட்டியை பரிமாறியதற்கு வருத்தம் தெரிவித்தார் என் தாய்...

ஆனால் அதற்கு என் தந்தையோ .."எனக்கு கருகிய ரொட்டிதான் ரொம்ப பிடிக்கும் " என்று பதில் சொன்னதை என்னால் இன்றும் மறக்க முடியாது ....

சாப்பிட்டு முடித்த சற்று நேரத்துக்குப் பின்... நான் மெல்ல என் தந்தை அருகில் சென்று இரவு வணக்கம் சொல்லிவிட்டு , அவரிடம் தயக்கத்துடன் கேட்டேன் :

" அப்பா ... உங்களுக்கு உண்மையாகவே கருகிய ரொட்டி ரொம்பப் பிடிக்குமா..?"

சற்று நேரம் அமைதியாக இருந்த என் தந்தை , என்னை இறுக்கமாக அணைத்துக் கொண்டு சொன்னார்....

" மகனே...உங்க அம்மா தினமும் வேலைக்கும் சென்று கொண்டு , நமக்கும் பணிவிடை செய்கிறார் ..

களைத்துப் போய் இருப்பார் ...

ஒரு கருகிய ரொட்டி யாரையும் காயப்படுத்தப் போவதில்லை ...

ஆனால் கடும் வார்த்தைகள் கண்டிப்பாக காயப்படுத்தும்...

நான் ஒன்றும் சிறந்த மனிதன் அல்ல ... ஆனால் அதற்கு முயற்சிக்கிறேன்...

இவ்வளவு வருடங்களில் நான் கற்றுக்கொண்டது ....

நடப்பது எதுவாக இருந்தாலும் அதை ஏற்றுக்கொண்டு சந்தோஷமான மனநிலைக்கு நாம் மாறுவதே ....”

குடியரசுத்தலைவர் அப்துல் கலாம் அய்யா அவர்களின் தந்தை ஜைனுலாப்தீன் விட்டு சென்ற எச்சம் தான் நாடு போற்றும் ஏவுகணை நாயகனை இந்தியாவிற்கு தந்தந்து ...

நன்றி ...அடுத்த பதிவில் சந்திப்போம் 

திருஞானசம்பந்தர்

திருஞானசம்பந்தர்

 

·           இயற்பெயர்   = ஆளுடையபிள்ளை

·           பெற்றோர்   = சிவபாத இருதயார், பகவதி அம்மையார்

·           ஊர் = சீர்காழி(தோணிபுரம், பிரம்மபுரம், வேணுபுரம்)

·           மார்க்கம் = கிரியை என்னும் சத்புத்திர மார்க்கம்

·           நெறி = மகன்மை நெறி

·           ஆட்கொள்ளட்பாட இடம்       = சீர்காழி

·           இறைவனடி சேர்ந்த இடம்      = பெருமணநல்லூர்

·           இவரின் தமிழ் = கொஞ்சு தமிழ்

·           மனைவி = சொக்கியார்

·           வாழ்ந்த காலம் = 16 ஆண்டுகள்

 

படைப்புகள்:

·           முதல் மூன்று திருமுறைகள் =”திருகடைகாப்பு” எனப் போற்றுவர்

·           1,2,3 ஆம் திருமுறைகள்

 

வேறு பெயர்கள்:

·           ஆளுடையபிள்ளை(இயற்பெயர்)

·           காழிநாடுடைய பிள்ளை

·           ஆணைநமதென்ற பெருமான்

·           பரசமயகோளரி

·           திராவிட சிசு(ஆதிசங்கரர் தம்முடைய சௌந்தர்யலகரி என்னும் நூலில்)

·           நாளும் இன்னிசையால் தமிழ் பரப்பும் ஞானசம்பந்தம் (சுந்தரர்)

·           இன்தமிழ் ஏசுநாதர்

·           சத்புத்திரன்

·           காழி வள்ளல்

 

அற்புதங்கள்:

·           மதுரை = தான் தங்கியிருந்தமடத்திற்குக் கூன்பாண்டியன் வைத்த நெருப்பை அவனுக்கே வெப்பு நோயாகப்பற்றச் செய்தார். அவன் மனைவி மங்கையர்க்கரசியும், அமைச்சர் குலச்சிறையாரும் வேண்ட, நீறு பூசி அவனின் வெப்பு நோய் நீக்கி, அவனின் கூன் நீக்கச் செய்து அவனை “நின்றசீர்நெடுமாறன்” ஆகினார்.

 

·           திருமறைக்காடு = மூடிய கோயில் கதவுகளைபாடித் திறக்க செய்தார்.

·           திருப்பாச்சிலாச்சிரமம் = மழவன் மகளின் முயலகன் நோய் நீக்கினார்

·           திருமருகல் = பாம்பு தீண்டியவணிகனின் விடம் நீக்கினார்

·           திருவோத்தூர் = ஆண்பனையைபெண்பனைஆக்கினார்

• 
  
  மூன்று வயதில் இவருக்கு உமையம்மையே நேரில் வந்து இவருக்கு “ஞானப்பால்” ஊட்டினார். அன்று முதல் இவர் “ஞானசம்பந்தன்” எனப் பெயர் பெற்றார்.

 

• மதுரையில் அனல்வாதம், புனல்வாதம் செய்து சமணர்களை தோற்கடித்தார். தோல்வி தாங்காமல் 8000 சமணமுனிவர்கள் தற்கொலை செய்துக்கொண்டனர்.

 

 

• இவரின் தோழர் = பரஞ்சோதியார்
• ஞானசம்பந்தர் 16000 பதிகம் பாடியதாகநம்பியாண்டார் நம்பி குறிப்பிடுகிறார். ஆனால் நமக்கு கிடைத்தது 384 பதிகங்கள் மட்டுமே.

 

• கிடைக்கும் மொத்தப்பாடல்கள் = 4181

 

• சம்பந்தரும் நாவுக்கரசரும் சந்தித்த இடம் = திருப்புகலூர்

 

• சேக்கிழார் பெரியபுராணத்தில் ஏறக்குறைய பாதிக்கு பாதி சம்பந்தர் வரலாறு இடம் பெறுவதால் “பிள்ளை பாதி புராணம் பாதி” எனப்போற்றப்படுகிறது.

 

மேற்கோள்:

 

·            காதலாகிக் கசிந்து கண்ணீர் மல்கி
ஓதுவார் தமை நன்னெறிக்கு உய்ப்பது
வேத நான்கினும் மெய்ப்பொருளாவது
நாதனாம நமச்சிவாயமே

 

  

Academics of Athens

                           

 Academics of Athens 

அரிஸ்டாட்டில் கிரேக்க நாட்டில் கி.மு.384 ஆம் ஆண்டு பிறந்தார் . அரிஸ்டாட்டிலின்  தந்தை கிரேக்க நாட்டில்  மன்னர் மாளிகையில் மருத்துவராகப் பணி புரிந்து வந்தார். அரிஸ்டாட்டில் தன் இளமைக் கல்வியைத் தந்தையிடமே பெற்றார்; தனது 17 ஆம் வயதில் ஏதென்ஸ் நகரக் கல்விக் கழகத்தில் (Academics of Athens) சேர்ந்தார். இங்குதான் கிரேக்கத்தில் அப்போது புகழ் வாய்ந்த தத்துவ அறிஞராக விளங்கிய பிளேட்டோவின் மாணவராகும் வாய்ப்பு அரிஸ்டாட்டிலுக்குக் கிடைத்தது. 

ஆசிரியர் பிளேட்டோவும், மாணவர் அரிஸ்டாட்டிலும் ஒருவர் கருத்தை ஒருவர் பாராட்டிப் போற்றியதும் உண்டு; கருத்து வேறுபாடு தோன்றியபோது நாகரிகத்தோடு மறுத்ததும் உண்டு. ஏதென்ஸ் கல்விக் கழகத்தில் கணிதம், தத்துவம், அண்ட அறிவியல் (Cosmic Science), அரசியல் ஆகிய துறைகளை அரிஸ்டாட்டில் ஆர்வத்துடன் கற்றார். பிளேட்டோவின் மறைவிற்குப் பின்னர் அரிஸ்டாட்டில் அங்கு ஆசிரியாகும் வாய்ப்பைப் பெற்றார். மிக விரைவில் தனது அறிவுக்கூர்மையை வெளிப்படுத்திச் சிறந்த ஆசிரியர் என்ற புகழை ஈட்டினார். அப்போது ஆட்சியிலிருந்த மன்னர் பிலிப் தனது மகன் அலெக்ஸாண்டருக்குக் கல்வி கற்பிக்குமாறு அரிஸ்டாட்டிலைக் கேட்டுக்கொண்டார். 

அரிஸ்டாட்டிலிடம் கல்வி கற்ற இம்மாணவன்தான் பின்னாளில் உலகம் முழுவதையும் ஒரு குடைக்கீழ் கொண்டுவர விரும்பிய மாமன்னன் அலெக்ஸாண்டராக விளங்கினான். தனது ஆசிரியர் அரிஸ்டாட்டிலிடம் அலெக்ஸாண்டர் அளவற்ற அன்பும், மதிப்பும் கொண்டிருந்தான்; ஆசிரியரின் அறிவியல் ஆய்வுப் பணிகள் அனைத்திற்கும் வேண்டிய பொருளுதவி புரிந்து ஒத்துழைப்பு நல்கினான். இயற்கை ஆய்விலும், விலங்குகள் பற்றிய ஆய்விலும் பெரும் நாட்டம் கொண்டிருந்த அரிஸ்டாட்டிலுக்கு மன்னனின் ஆதரவு பேருதவியாக இருந்தது.

1. பொதுவாக விலங்குகளுக்கும் ஆன்மா என்பது உண்டு. ஒவ்வொரு விலங்கினமும் அதற்கே உரிய உடற்கட்டமைப்பைக் குறிப்பிட்ட நோக்கத்திற்காகப் பெற்றுள்ளது.

2. வாழ்க்கை வளர்ச்சிக்கும், மாற்றத்திற்கும் உட்பட்டது; எப்போதும் இயங்கிக் கொண்டிருப்பது. ஒரு குறிப்பிட்ட நோக்கத்தை அடையும் பொருட்டு இந்த வளர்ச்சி, மாற்றம், இயக்கம் ஆகியன அமைகின்றன.

வாழ்க்கையின் படிநிலைகள், உயர்வு தாழ்வுகள், ஏற்ற இறக்கங்கள் ஆகியவற்றிற்கு அரிஸ்டாட்டில் முக்கியத்துவம் அளித்தார். இயற்கைப் பண்புகள், வாழ்க்கை முறைகள், செயல் முறைகள் ஆகியவற்றின் அடிப்படையில் உயிரினங்களை அரிஸ்டாட்டில் வகைப்படுத்தினார். 

அரிஸ்டாட்டில் தன் முழு வாழ்வையும் கல்விப் பணிக்கும், ஆய்வுப்பணிக்கும் அர்ப்பணித்துக் கொண்டவர். மிகச் சிறந்த ஆசிரியராகப் பணியாற்றியவர். 

வகைப்பாட்டியலின் வரலாறு:

 

வகைப்பாட்டியலின் வரலாறு:

·                 அரிஸ்டாடில் உயிரினங்களை தாவரங்கள்,விலங்குக்ள் என இரண்டு வகைகளாகப் பிரித்தார்

·                 மருத்துவத்தின் தந்தை என அழைக்கப்ப்டும் ஹிப்போகிரேட்ஸ் மருத்துவ அடிப்படையில் 

               உயிரினங்களை வகைப்படுத்தினார்

·                  சிற்றினம் என்ற சொல்லை அறிமுகப்படுத்தியவர் – ஜான்ரே

·                  கரோலஸ் லின்னேயஸ் இருசொல் பெயரிடும்முறையை அறிமுகப்படுத்தினார். இவரே "வகைப்பாட்டியலின் தந்தை" என அழைக்கப்படுகிறார்

·                  முதல் சொல் குறிப்பிட்ட உயிரினத்தின் பேரினத்தையும், இரண்டாம் சொல் குறிப்பிட்ட உயிரினத்தின் இனத்தையும் குறிக்கின்றன.

 

இருசொற்பெயர்கள் எ.கா

கரப்பான் பூச்சி – பெரிப்பிளானேட்டா அமெரிக்கானா

வீட்டு ஈ – மஸ்கா டொமஸ்டிகா

தவளை – ராணா ஹெக்ஸாடாக்டைலா

புறா - கொலம்பியா லிவியா

மனிதன் – ஹோமோ செப்பியன்ஸ்

  

தக்காளி – லைக்கோபெர்சிகான்  எஸ்குலண்டம்

மா – மாஞ்சிஃபெரா இண்டிகா

அரிசி – ஒரைசா சட்டைவா

 

ஐந்துலக வகைப்பாட்டு முறையை அறிமுகப்படுத்தியவர் R.H.விட்டேக்கர்